Xa está lista a 8ª edición do noso boletín, desta volta con carácter monográfico centrado na efeméride do 1 de maio, e na crítica do traballo asalariado e dos métodos dos sindicatos, cunha perspectiva antiautoritaria e revolucionaria. Mudamos nesta ocasión o apartado de Novas polo de Historia, buscando manter viva a chama da memoria colectiva e combativa, contra o mito burgués recuperador do 1 de maio coma unha simple festa baleira dun contido que ameace os seus privilexios. Tamén engadimos algúns textos breves na contraportada. Podes atopalo aquí (lectura en liña) e aquí (descarga). Para atopar os números anteriores mirade aquí. Animamos coma sempre á súa reprodución e difusión pola rede pero sobre todo polas rúas, centros de traballo, de estudo, etc. A continuación o índice de contido: Continue reading Xa na rúa o Nº 8 do noso boletín!! (número especial contra o traballo asalariado)→
Comezamos novo ano e seguimos… Xa está a vosa disposición nas rúas e acá, o nº 4 do noso Boletín en papel e podedes aceder a ele no seu espazo na nosa coluna direita no apartado “BOLETÍNS ABORDAXE” (onde tamén temos os anteriores números).
A equipa que formamos Abordaxe acordamos hai tempo ampliar as nosas miras mediáticas co gallo de tentar cubrir os máis dos espazos e lugares aos que poidamos achegar a nosa información. Con este motivo decidimos editar este boletín informativo con tirada mensual, en papel (e en formato pdf) ao que lle adicamos un espacio reservado na nosa coluna dereita. Continue reading Novo Boletín Mensual Abordaxe.- O nº 1 de outubro xa está nas rúas e agora disponible en pdf→
